మహిళ పట్ల ఆస్పత్రి సెక్యూరిటీ ఓవరాక్షన్.. వీడియో వైరల్

woman

మధ్యప్రదేశ్‌లో ఓ మహిళ పట్ల ఆస్పత్రి సెక్యూరిటీ గార్డు దారుణంగా ప్రవర్తించాడు. ఆమె చేయిపట్టుకుని బయటకు ఈడ్చి పారేశాడు. మధ్యప్రదేశ్‌లోని ఖార్గోన్‌లో గురువారం ఈ ఘటన జరిగింది.

చికిత్స కోసం ఆసుపత్రికి వచ్చిన 30 ఏళ్ల మహిళను సెక్యూరిటీ గార్డు 300 మీటర్లకుపైగా బురద రోడ్డుపై ఈడ్చుకెళ్లాడు. ఆమెను ఆసుపత్రి బయట పడేశాడు.

ఈ దారుణాన్ని మొబైల్‌లో చిత్రీకరించిన కొందరు సామాజిక మాధ్యమాల్లో పోస్ట్‌ చేయగా ఫొటోలు వైరల్‌ అయ్యాయి. దీంతో ఆసుపత్రి యాజమాన్యం అతడ్ని ఉద్యోగం నుంచి తొలగించింది.

అయినా సెక్యూరిటీ గార్డు తప్పు ఏమీ లేదంటూ ఆస్పత్రి సిబ్బందికి మద్దతిచ్చారు. మతిస్థిమితం లేని మహిళను ఎవరో తీసుకొచ్చి ఆసుపత్రి వద్ద వదిలి వెళ్లారని ఆరోపించారు.

సిబ్బందిని ఆమె తిడుతూ హంగామా చేయడంతో అక్కడి నుంచి పంపాలని సెక్యూరిటీ గార్డుకు చెప్పామన్నారు. ఆ మహిళ గేటు మధ్యలో కూర్చోవడంతో అంబులెన్స్‌ కోసం సెక్యూరిటీ గార్డు ఆమెను పక్కకు మాత్రమే లాగాడని తెలిపారు.