దేశ రాజధాని న్యూఢిల్లీకి కూతవేటు దూరంలో ఉండే గుర్గావ్‌లో మరో దారుణం జరిగింది. ఓ వివాహితను అత్యాచారం చేసిన ఓ కామాంధుడు.. తాను చేసిన నిర్వాకాన్ని వీడియో తీశాడు. ఆ వీడియోను సోషల్ మీడియాలో అప్లోడ్ చేస్తానంటూ బెదిరించి... ఆ వివాహిత కుమార్తెపై కూడా రేప్ చేశాడు. గుర్గావ్‌లో జరిగిన ఈ దారుణ వివరాలను పరిశీలిస్తే...
గుర్గావ్‌కు చెందిన ఓ వితంతువు 15 యేళ్ళ కుమార్తె, 11 యేళ్ళ కుమారుడితో కలిసి నివసిస్తోంది. ఈమెకు 25 రోజుల కిందట అశిష్ అనే వ్యక్తి పరిచయమయ్యాడు. ఆ తర్వాత అమె ఇంటికి వెళ్లి అత్యాచారానికి పాల్పడ్డాడు. పలుమార్లు అత్యాచారం జరిపి వీడియో తీశాడు.
దాన్ని ఇంటర్నెట్‌లో అప్లోడ్ చేస్తానని భయపెట్టి కుమార్తెపై అత్యాచారానికి పాల్పడ్డాడు. అయితే, ఈ కామాంధుడి వేధింపులు శృతిమించడంతో ఆ వితంతువు పోలీసులను ఆశ్రయించింది. దీంతో కేసు నమోదు చేసిన పోలీసులు.. కామాంధుడిని అరెస్టు చేశారు.
