ప్రధానమంత్రిగా నరేంద్ర మోడీ బాధ్యతలు స్వీకరించిన తర్వాత అనేక కీలక మార్పులు చేస్తున్నారు. ఒకే దేశం ఒకే పన్ను అనే విధానాన్ని అమలు చేశారు. అలాగే, దేశ వ్యాప్తంగా ఒకే విధమైన పలు చట్టాలను అమలు చేస్తున్నారు. ఈ కోవలోనే ఒకే దేశం, ఒకే ఎన్నికలు అనే నినాదాన్ని అందుకున్నారు. అంటే.. జమిలి ఎన్నికలు నిర్వహించేందుకు ఆయన మొగ్గు చూపుతున్నారు.
మన దేశంలో ఎప్పుడూ ఎక్కడో ఒక చోట ఎన్నికలు జరుగుతూనే ఉంటాయని... దేశ అభివృద్ది కార్యక్రమాలపై దీని ప్రభావం పడుతోందని అన్నారు. ఈ విషయం ప్రజలకు కూడా అర్థమవుతూనే ఉందన్నారు. ఈ సమస్యపై, జమిలి ఎన్నికలపై అధ్యయనం జరగాల్సి ఉందని... ప్రిసైడింగ్ అధికారులు దీనిపై తగిన మార్గదర్శకం చేయాలని అన్నారు.
