ఆ ఘటన మొత్తాన్ని ఆమె వీడియో తీయడంతో పాటు ఎవరికీ చెప్పవద్దంటూ బెదిరింపులకు దిగినట్లు విద్యార్థిని తన ఫిర్యాదులో పేర్కొంది. వివరాల్లోకి వెళితే.. పూజా నర్వారియా, ఆశిష్‌, నిపుల్‌, పునీత్‌లతో కలిసి ఆగస్ట్‌ 23న బాధితురాలి నివాసానికి వచ్చింది.
తాము మండుకు వెళుతున్నామని.. తనకు తోడుగా రావాలంటూ బాధితురాలిని కోరింది. ఐదుగురు కలిసి లసుదియా పోలీస్‌స్టేషన్‌ పరిధిలో ఆశిష్‌ అద్దెకు తీసుకున్న ఫ్లాట్‌కు చేరుకున్నారు. సాయంత్రం నాలుగుగంటల సమయంలో .. నిందితుడు బాధితురాలికి మత్తు మందు కలిపిన కూల్‌డ్రింక్‌ను ఇచ్చారని.. ఆమె అపస్మారక స్థితిలోకి వెళ్లగానే ముగ్గురు అత్యాచారానికి పాల్పడ్డారని అన్నారు.
ఈ ఘటన మొత్తాన్ని బాధితురాలి స్నేహితురాలు వీడియో తీసినట్లు తెలిపారు. బాధితురాలిని నలుగురు నిందితులు కొట్టడంతో పాటు వారు చెప్పినట్లు చేయాల్సిందేనని బెదిరించినట్లు తెలిపారు. కాగా, ఫిర్యాదు అందిన వెంటనే నిందితుల కోసం గాలింపు చేపట్టామని ఇండోర్‌ సూపరింటెండెంట్‌ ఆఫ్‌ పోలీస్‌ అశుతోష్‌ బాగ్రి తెలిపారు.
