తెలంగాణ రాష్ట్రంలోని పాలమూరు జిల్లా శివారు ప్రాంతానికి చెందిన బోడ సురేష్ అనే యువకుడు, అదే ప్రాంతంలోని స్వాతి అనే బ్యూటీషియన్ కోర్సు నేర్చుకుంటున్న యువతితో ప్రేమలో పడ్డాడు. ఆ యువతి కంటే సురేష్ వయసులో చిన్నవాడు. దీంతో వయసులో నా కన్నా చిన్నవాడివి, నీకు నాతో ప్రేమేంటని స్వాతి నిలదీసించి. ప్రేమా లేదు.. దోమా లేదంటూ ఎంతగానో వారించింది. అయినా ఆ కుర్రోడు వినలేదు. చివరికి ఆమె ప్రేమను గెలుచుకున్నాడు. ఇద్దరూ కలిసి తిరిగారు. పెళ్లికి ముందే ముద్దూముచ్చట తీర్చుకున్నారు.
ఈ క్రమంలో ఆమె గర్భం ధరించడంతో, రహస్యంగా తీసుకెళ్లి అబార్షన్ కూడా చేయించాడు. రెండేళ్ల ప్రేమాయణం తర్వాత, పెళ్లి చేసుకోవాలని స్వాతి ఒత్తిడి చేస్తుంటే, తప్పించుకు తిరగడం ప్రారంభించాడు. తనకు గర్భస్రావం చేయించినప్పటి నుంచి సురేష్ మారిపోయాడని, మాట్లాడకుండా తప్పించుకు తిరుగుతున్నాడని, తనకు న్యాయం చేయాలని డిమాండ్ చేస్తూ, అతని ఇంటి ముందు స్వాతి మౌన పోరాటానికి దిగింది. ఆమెకు మహిళా సంఘాలు అండగా నిలిచాయి. దీంతో సురేష్ కుటుంబీకులు మాత్రం ఇంటికి తాళం వేసి కనిపించకుండా పోయారు.
