కరోనా లాంటి ప్రాణాంతక వ్యాధులు వచ్చినా.. కామాంధుల తీరు మారలేదు. కరోనా వైరస్ సమయంలో క్వారంటైన్ కేంద్రంలో ఉన్న మహిళ మీద కూడా లైంగిక వేధింపులకు ఓ వ్యక్తి పాల్పడ్డాడు. ఈ ఘటన మహారాష్ట్రలోని చంద్రపూర్ జిల్లాలో జరిగింది. వివరాల్లోకి వెళితే.. నాంహోరీ గ్రామంలోని జిల్లా పరిషత్ పాఠశాలలోని క్వారంటైన్ కేంద్రం ఏర్పాటు చేశారు.
అయితే, ఇతరులకు ప్రవేశంలేని ఆ పాఠశాలలోకి గ్రామానికి చెందిన ఓ వ్యక్తి చొరబడి ఆమె మీద లైంగిక వేధింపులకు పాల్పడ్డాడు. ఈ ఘటనపై పోలీసులు కేసు నమోదు చేసుకుని నిందితుడిని అరెస్ట్ చేశారు. ఐపీసీ సెక్షన్ 354 కింద కేసు నమోదు చేశారు.
