దక్షిణ ముంబైలో శుక్రవారం మధ్యాహ్నం అగ్నిప్రమాదం సంభవించింది. 61 అంత‌స్తుల రెసిడెన్షియల్ అపార్ట్‌మెంట్‌లోని 19వ ఫ్లోర్‌లో ఉన్నట్టుండి మంటలు చెలరేగాయి. ఓ వైపు ఎగిసిప‌డుతున్న అగ్నికీల‌లు.. మ‌రో వైపు ద‌ట్ట‌మైన పొగ‌లు.. అగ్నికీల‌ల నుంచి త‌ప్పించుకునేందుకు ఓ వ్య‌క్తి చేసిన సాహ‌సం ప్రాణాల‌ను బ‌లి తీసుకున్న‌ది.
ముంబైలో అవిఘ్న పార్కులోని 61 అంత‌స్తుల భ‌వ‌నంలో శుక్రవారం మధ్యాహ్నం భారీ అగ్నిప్రమాదం సంభవించింది. అయితే, 19వ ఫ్లోర్‌లో మంటలు చెల‌రేగ‌డంతో అక్క‌డున్న ఓ 30 ఏళ్ల యువ‌కుడు అరుణ్ తివారీ త‌న ప్రాణాల‌ను కాపాడుకునేందుకు య‌త్నించాడు.
దీనిపై బీఎంసీ కమిషనర్ ఇక్బాల్ చవాల్ స్పందిస్తూ, దక్షిణ ముంబైలోని అవిఘ్న పార్కులోని 64 అంత‌స్తుల భ‌వ‌నంలో మంటలు చెల‌రేగిన‌ట్లు ఉద‌యం 11:55 గంట‌ల‌కు త‌మ‌కు స‌మాచారం అందడంతో త‌క్ష‌ణ‌మే అక్క‌డికి వెళ్లిన అగ్నిమాప‌క సిబ్బంది వెళ్లి మంటలను అదుపు చేసే ప‌నిలో నిమ‌గ్న‌మైంద‌ని చెప్పారు.
