అతను.. సూటు.. బూటు వేసుకున్నాడు.. ముంబై రోడ్లపై ఇతర పౌరుల్లా కొద్దిసేపు వారితో కలిసి నడిచాడు. ఆ తర్వాత ఉన్నట్టుండి నడి రోడ్డులో నిలబడి ఇష్టానుసారంగా స్టెప్పులు వేశాడు. ఇటు-అటు పోతున్న వాహనాలను ఏమాత్రం పట్టించుకోకుండా.. నలుగురు చూస్తున్నా ఏమాత్రం సిగ్గుపడకుండా తన పనుల్లో నిమగ్నమైపోయాడు. ఏదో ఆషామాషీ చిందులు కాదు.. తనలో తాను నవ్వుకుంటూ, ఏదో పాటను పాడుకుంటూ కిర్రాక్ డ్యాన్స్‌లు చేశాడతడు.
నడిరోడ్డు మీద అతడు నర్తన ప్రదర్శన మొదలుపెట్టడంతో చుట్టూ ముగినవారు.. ఇదేదో బాగుందో అనుకుంటూ ఆనందించారు. వాళ్లు ఆనందించడానికి అన్నట్టు మధ్యమధ్యలో కొన్ని పిచ్చిపిచ్చి చేష్టలు, అల్లరి పనులు చూస్తూ చూపరులను ఆకట్టుకున్నాడు ఆ వ్యక్తి. యూట్యూబ్‌లో పెట్టిన ఈ వీడియో ఇప్పుడు హల్‌చల్ చేస్తుంది.
