న్యూఢిల్లీ: శాఖ మార్చార‌ని మీడియా గ‌గ్గోలు పెడుతుంటే, స్మృతి ఇరానీ మాత్రం సంతృప్తిని వ్య‌క్తం చేశారు. త‌న‌కు టెక్స్‌టైల్ మంత్రి ప‌ద‌వి అప్ప‌గించినందుకు ప్ర‌ధాని మోదీకి అభినంద‌న‌లు తెలుపుతున్నాన‌ని చెప్పారు. ఢిల్లీలో స్మృతి ఇరానీ త‌న శాఖ బాధ్య‌త‌లు స్వీక‌రించారు. ఈ సంద‌ర్భంగా కిక్కిరిసిన మీడియా స‌మావేశంలో మంత్రి మాట్లాడుతూ, వ్య‌వ‌సాయం త‌ర్వాత అంత‌టి అధిక సంఖ్య‌లో కార్మికులు ఉపాధి పొందుతున్న జౌళిశాఖ ఎంతో విలువైన‌ద‌ని చెప్పారు.
ప్ర‌ధాని క‌ల‌లు కంటున్న మేకిన్ ఇండియాకు ఈ శాఖ నుంచి ఉపాధి మార్గాలు ఎంతో ముఖ్య‌మ‌న్నారు. త‌న స్థానంలో వ‌చ్చిన హెచ్ఆర్డి మంత్రి ప్ర‌కాశ్ జ‌వ‌దేక‌ర్‌కు ఆమె అభినంద‌న‌లు తెలిపారు. అలాగే, జౌళిశాఖకు ఇంత‌వ‌ర‌కు ప‌నిచేసిన సంతోష్ కుమార్, మ‌రో కేంద్ర మంత్రి అజ్ టంటా ఇరానీకి అభినంద‌న‌లు తెలిపారు.
