కాంగ్రెస్ జాతీయ ప్రధాన కార్యదర్శి ప్రియాంక గాంధీ సంచలన వ్యాఖ్యలు చేశారు. కాంగ్రెస్ అధ్యక్ష బాధ్యతలపై ఆమె చేసిన వ్యాఖ్యలు ప్రస్తుతం చర్చనీయాంశమైనాయి. కాంగ్రెస్ అధ్యక్ష బాధ్యతలపై గాంధీ కుటుంబీకులే కాకుండా... ఇతరులు కూడా ఈ బాధ్యతలు చేపట్టవచ్చునని ప్రియాంక గాంధీ కామెంట్లు చేశారు. ఇందుకు తాను సుముఖంగానే ఉన్నానని ఆమె ప్రకటించారు. అంతేకాకుండా కాంగ్రెస్ ఓ కొత్త పంథా ఎంచుకోవాల్సిన అవసరం ఉందని కూడా నొక్కి వక్కాణించారు.
సాధారణ ఎన్నికల్లో ఘోర పరాజయం పొందడంతో అధ్యక్ష బాధ్యతల నుంచి రాహుల్ గాంధీ తప్పుకున్న సంగతి తెలిసిందే. ఆ సమయంలో రాహుల్ గాంధీ మాట్లాడుతూ... ''గాంధీ కుటుంబేతరుడు అధ్యక్షుడు అయినా ఓకే.. నాకు ఆమోదమే'' అని రాహుల్ అన్న వ్యాఖ్యలను ప్రియాంక పూర్తిగా సమర్థించారు. రాహుల్ గాంధీ చేసిన వ్యాఖ్యలను తాను సమర్థిస్తున్నట్లు ప్రియాంక గాంధీ తెలిపారు.
