జిల్లాలోని రహువాస్ పోలీస్ స్టేషన్లో విధులు నిర్వర్తిస్తున్న భూపేంద్ర సింగ్ శుక్రవారం బాధిత చిన్నారికి తినుబండారాలు ఆశజూపి తన అద్దె గదిలోకి తీసుకెళ్లాడు. ఆ తర్వాత అఘాయిత్యానికి పాల్పడ్డాడు. విషయం తెలుసుకున్న స్థానికులు ఆగ్రహంతో పోలీస్ స్టేషన్‌ను చుట్టుముట్టి నిందితుణ్ని పట్టుకొని కర్రలు, చెప్పులతో దేహశుద్ధి చేశారు. చిన్నారిపై ఎస్ఐ అత్యాచార ఘటన సమాజానికి సిగ్గుచేటని గవర్నర్ కల్రాజ్ మిశ్రా పేర్కొన్నారు. ఈ కేసులో కఠిన చర్యలు తీసుకోవాలని డీజీపీని ఆదేశించారు.
మరోవైపు, ఈ కేసులో కామాంధుడైన ఎస్ఐగా పనిచేస్తున్న నిందితుడు భూపేంద్ర సింగ్‌ను సస్పెండ్ చేయడంతోపాటు కేసు నమోదు చేసి అరెస్టు చేసినట్లు పోలీసులు శనివారం వెల్లడించారు. బాలికకు వైద్య పరీక్షలు పూర్తయ్యాయని, తన ఆరోగ్యం ప్రస్తుతం స్థిమితంగానే ఉందని తెలిపారు.
