పక్కింటి ముసలోడి పాడుబుద్ధి... డాక్టర్‌పై అత్యాచారయత్నం.. చివరికి దూకేశాడు..?

మహిళలకు రక్షణ కరువవుతోంది. వయోబేధం లేకుండా కామాంధులు విరుచుకుపడుతున్నారు. తాజాగా పక్కింటి ముదుసలి.. డాక్టర్‌పై అత్యాచారయత్నానికి పాల్పడ్డాడు. ఈ ఘటన గురేగావ్‌లో చోటుచేసుకుంది. పోష్‌ హౌసింగ్‌ సొసైటీలోని అపార్ట్‌మెంట్‌లో ఓ డాక్టర్‌ (33), తన తల్లితో కలిసి నివసిస్తున్నారు. పక్కింట్లో ఉంటున్న వృద్ధుడు (61) ఆమెపై కన్నేశాడు. 

ఏదో సాకుతో తరచూ ఫాలో అవుతూ వచ్చాడు. సదరు డాక్టర్ పట్టించుకోకుండా తన పని తాను చేసుకుంటూ పోయింది. కానీ ఆదివారం ఉదయం ఆమె ఇంట్లో ఒంటరి ఉండడం చూసిన వృద్ధుడు లోనికి చొరబడి లైంగిక దాడికి యత్నించాడు. దాడిని ప్రతిఘటించడంతో సుత్తితో ఆమె తల, కాలిపై మోది గాయపరిచాడు.

దీంతో డాక్టర్ గట్టిగా కేకలు వేయడంతో ఇరుగు పొరుగు వచ్చి కాపాడారని పోలీసులు తెలిపారు. స్థానికులు బాధితురాలిని ఆస్పత్రిలో చేర్పించారు. నిందితున్ని పోలీసులు అదుపులోకి తీసుకునేలోపే ఓ షాపింగ్‌ కాంప్లెక్స్‌ పైనుంచి దూకి ఆత్మహత్యకు పాల్పడ్డాడని స్థానికులు తెలిపారు.