పూణే కపిల హోటల్‌‌పై మహిళ ఫిర్యాదు.. ఆ పని చేయమన్నారు.. కాదన్నందుకు?

సెక్స్‌ వర్కర్‌గా పనిచేసేందుకు నిరాకరించడంతో హోటల్ సిబ్బంది తనను దూషిస్తూ చేజేసుకున్నారని పూణేకు చెందిన ఓ మహిళ నగరంలోని కపిల బిజినెస్ హోటల్‌పై ఫిర్యాదు చేసింది. బాధిత మహిళ ఇచ్చిన ఫిర్యాదు మేరకు కేసు నమోదు చేసుకుని దర్యాప్తు జరుపుతున్నచ్లు బండ్ గార్డెన్ పోలీస్ ఇన్‌స్పెక్టర్ హనీఫ్ ముజావర్ తెలిపారు. 

హోటల్ యజమానితో పాటు ఎనిమిది మంది సిబ్బంది తనను సెక్స్ వర్కర్‌గా పనిచేయాల్సిందిగా ఒత్తిడి తెచ్చారని పోలీస్ ఫిర్యాదులో ఆమె తెలిపారు. అందుకు ఒప్పుకోకపోవడంతో తనను కొట్టారని బాధిత మహిళ ఫిర్యాదులో తెలిపింది. 

ఘోలే రోడ్డులో నివాసముంటున్న మహిళ ఉన్నత చదువులు చదువుకుని ఉద్యోగానికి వచ్చింది. అయితే హోటల్ యాజమాన్యం ఆమెను సెక్స్ వర్కర్‌గా మార్చాలనుకుందని ఫిర్యాదు రావడంతో పోలీసులు ఐపీసీ 354డీ, 323, 504, 506 సెక్షన్ల కింద కేసులు నమోదు చేసుకుని దర్యాప్తు జరుపుతున్నారు.