పాకిస్థాన్ ఆక్రమిత కాశ్మీర్ (పీఓకే)లో సర్జికల్ స్ట్రైక్స్ జరిపింది నిజమేనని భారత్ బల్లగుద్దిమరీ వాదిస్తోంది. కానీ పాకిస్థాన్ మాత్రం అలాంటి దాడులు జరగలేదని వాదిస్తోంది. అయితే, ఇపుడు పాకిస్థాన్‌కు దిమ్మ తిరిగే షాక్ తగిలింది. ఈ దాడులు జరిగాయంటూ పీఓకే‌లోని మీర్పూర్ ఎస్పీ గులాం అక్బర్ ధ్రువీకరించారు. ఈ దాడిల ఐదుగురు పాకిస్థాన్ జవాన్లతో పాటు మొత్తం 12 మంది చనిపోయారని వెల్లడించారు.
ఈనెల 29వ తేదీన సర్జికల్ స్ట్రైక్స్ జరిగాయంటూ బలమైన ఆధారాలు ఉన్నాయన్నారు. ఈ మేరకు ఆయన చెప్పిన విషయాలు ఆడియో రికార్డు ద్వారా లభ్యమయ్యాయి. కాగా, తాజాగా చేసిన ఈ ప్రకటనతో అటు పాకిస్థాన్ నేతలకు, ఇటు మన దేశంలోని ప్రతిపక్ష రాజకీయపార్టీల నేతలకు సరైన సమాధానం చెప్పినట్లయింది.
