ఆ తర్వాత 2016లో ‘కబాలీ’ చిత్రం షూటింగ్‌ ముగించుకుని మరో కిడ్నీ మార్పిడి ఆపరేషన్‌ చేసుకున్నారు. కిడ్నీ మార్పిడి ఆపరేషన్‌ జరిగి పదేళ్లు పూర్తికావటంతో వైద్యపరీక్షలు చేసుకునే నిమిత్తం రజనీ అమెరికాకు బయల్దేరారు. రజనీ అమెరికా వెళ్లేందుకు అమెరికా ప్రభుత్వం, భారత ప్రభుత్వం ప్రత్యేక అనుమతులు జారీ చేశాయి.
ఈ విషయం తెలుసుకున్న రజనీ తన స్నేహితుడు, ప్రముఖ సినీ గేయరచయిత వైరముత్తుకు తాను కులాసాగా వున్నానని, సాధారణ వైద్య పరీక్షలు చేసుకుంటున్నానని సందేశం పంపారు. ఆ సందేశాన్ని వైరముత్తు ఓ కవితగా ప్రసారమాధ్యమాల్లో వెలువడించడంతో రజనీ అభిమానులు సంతసించారు.
