చాలా ప్రాంతాల్లో ఒక కుటుంబంలోని సభ్యులంతా కరోనా వైరస్ బారినపడున్నారు. ఇలాంటి వారంతా ఇంటికి తాళం వేసి క్వారంటైన్‌లో ఉంటూ చికిత్స పొందుతున్నారు. ఇలాంటి గృహాలు దొంగలకు మంచి అనుకూలంగా మారాయి. దీంతో తమ చేతివాటాన్ని ప్రదర్శిస్తూ ఇంటిని పూర్తిగా లూటీ చేస్తున్నారు. తాజాగా ఓ క్వారంటైన్‌లో ఉన్న రోగి ఇంట్లోకి చోరీకి వచ్చిన దొంగలు.. ఉన్నదంతా దోచుకుని, ఆ తర్వాత మటన్ కర్రీ వండుకుని కడుపునిండా ఆరగించి వెళ్లిపోయారు. ఈ ఘటన జార్ఖండ్ రాష్ట్రంలోని జెంషెడ్‌పూర్‌లో జరిగింది.
అదంతా కంటైన్మెంట్ జోన్ కావడంతో రాత్రిళ్లు అక్కడంతా గప్‌చుప్. ఎవ్వరూ లేరు.. రారు.. కాబట్టి రాజ్యమంతా తమదే అన్నట్టు దొంగలు రెచ్చిపోయారు. అర్థారాత్రి వేళ వారందరూ కలసి మటన్ కర్రీ, చపాతీలు ఒండుకు సుష్టుగా తిన్నారు.
ఆ తర్వాత తీరిగ్గా రూ.50 వేలు, అంతే విలువగల నగలు దోచుకుని జంపైపోయారు. ఓసారి ఇల్లు ఎలా ఉందో చూసిరా అంటూ సదరు కరోనా రోగి తన తమ్ముడికి శుక్రవారం నాడు పురామించడంతో ఈ విషయం బయటపడింది. అదే రోజు అతడు పోలీసులకు ఫిర్యాదు చేయగా, కేసు నమోదు చేసి దర్యాప్తు చేస్తున్నారు.
