కేరళలోని తిరువనంతపురంలో చోటుచేసుకున్న సంఘటన ఇది. ఓ మైనర్ 15 ఏళ్ల బాలికకు విపరీతమైన కడుపునొప్పి రావడంతో ఆస్పత్రికి తీసుకెళ్లిన తల్లిదండ్రులకు పెద్ద షాకే తగిలింది. ఆ బాలిక గర్భవతి అని, వెంటనే కాన్పుకి ఏర్పాట్లు చేసారు ఆస్పత్రి సిబ్బంది. కాసేపట్లో ఓ ఆడబిడ్డకు జన్మనిచ్చిన ఆ బాలిక మరో షాక్ ఇచ్చింది. తాను గర్భవతి కావడానికి కారణం ఓ 13 ఏళ్ల బాలుడు అని చెప్పడంతో నివ్వెరపోయిన తల్లిదండ్రులు పోలీసు కేసు పెట్టారు.
బిడ్డకు తండ్రి ఎవరనే విషయాన్ని నిర్ధారించేందుకు డిఎన్ఎ పరీక్షల కోసం అవసరమైన రక్తనమూనాలను బాలుని తల్లిదండ్రుల అనుమతితో సేకరించిన పోలీసులు తదుపరి విచారణ చేపట్టారు. ఇప్పుడు ఈ పిల్లలిద్దరికీ పుట్టిన బిడ్డ ఆలనాపాలనా బాలిక కుటుంబ సభ్యులే చూసుకుంటున్నారు. కానీ భవిష్యత్తులో ఎలాంటి సమస్యా రాకుండా న్యాయసలహా తీసుకుంటామంటున్నారు పోలీసులు.
