వివరాల్లోకి వెళితే, వడోదరలోని దభోయ్ పోలీస్ స్టేషన్ పరిధిలోని ఓ ప్రొవిజన్ స్టోర్ లో రూ.4,265 విలువగల పాన్ మసాలా చోరీకి గురైనట్లు పోలీసులకు ఫిర్యాదు అందించారు. దీనిపై కేసు నమోదు చేసుకున్న పోలీసులు విచారణ జరిపారు. ఇద్దరిని అరెస్ట్ చేశారు. అనంతరం వైద్య పరీక్షలు చేశారు.
ఈ ఘటనపై జిల్లా ప్రధాన వైద్యాధికారి ఉదయ్ తిలావత్ స్పందిస్తూ, పోలీసులు అరెస్టు చేసిన దొంగకు కరోనా పాజిటివ్ రావడంతో, దాదాపు 12 మంది నుంచి రక్త నమూనాలు సేకరించి పరీక్షలకు పంపాం. వారిలో 11 మందికి నెగెటివ్ రాగా ఒక్కరికి పాజిటివ్ వచ్చింది. ఈ కేసులో దొంగకు కరోనా ఎలా సోకిందనే విషయంపై విచారణ జరుపుతున్నామన్నారు.
