మరో యువతితో భర్త గోవాలో... ఇంట్లో భార్యపై మామ రేప్, ఫోనులో పొగడ్తలు...

మధ్యప్రదేశ్ రాష్ట్రంలో సంచలనం సృష్టించిందా ఘటన. భర్త మరో మహిళను తీసుకుని గోవా వెళ్లి ఎంజాయ్ చేస్తే ఇంట్లో వున్న అతడి భార్య(కోడలి) పైన మామ అత్యాచారం చేశాడు. తనపై జరిగిన దారుణాన్ని బాధిత మహిళ మహిళా కమిషన్ వద్దకు తీసుకొచ్చింది. వివరాల్లోకి వెళితే... మధ్యప్రదేశ్ రాష్ట్రంలోని కట్నీ జిల్లాకు చెందిన ఓ వివాహిత భర్త మరో మహిళను తీసుకొని హాలిడే ట్రిప్ కోసం గోవాకు వెళ్లడంతో ఇంట్లో ఒంటరయ్యింది. 

దీన్ని అదనుగా తీసుకున్న ఆమె మామయ్య ఆమెపై రేప్ యత్నం చేశాడు. దాన్ని ప్రతిఘటించడంతో ఆమెపై దాడి చేసి బలవంతంగా లొంగదీసుకుని అత్యాచారం జరిపాడు. తనపై మామయ్య అత్యాచారం చేశాడని కట్టుకున్న భర్తతో చెబితే... ఆయన చెప్పినట్లు నడుచుకోమని చెప్పాడంటూ ఆమె ఆవేదన వ్యక్తం చేసింది. 

ఈ విషయాలను మహిళా కమిషన్‌కు ఫిర్యాదులో పేర్కొంది. ఐతే అతడిని అరెస్టు చేయగా తనను భయపెట్టి మామయ్యను పొగిడేట్లు ఫోనులో మాట్లాడించి ఆ మాటలను సాక్ష్యంగా పెట్టి బెయిలుపై అతడు విడుదలయ్యేట్లు తన భర్త చేశాడంటూ ఫిర్యాదు చేసింది. దీనితో ఈ కేసుపై నిందితులకు కఠిన శిక్ష పడేలా చూడాలంటూ మహిళా సంఘం జిల్లా ఎస్పీని ఆదేశించింది.