చేపల్లో ఉండే ఒమెగా 3 ఫ్యాటీ యాసిడ్లు మన మానసిక ఆరోగ్యానికి కూడా పనిచేస్తాయి. ఇవి డిప్రెషన్ నుంచి బయట పడేస్తాయి. మానసిక ఆందోళనను పోగొడతాయి. అదీ కొరమీను చేపలను వారానికి ఓసారి తీసుకుంటే రోగ నిరోధక శక్తి పెరగుతుంది. ఇన్ఫెక్షన్ల నుంచి రక్షణ లభిస్తుంది. డయాబెటిస్, ఆర్థరైటిస్ వంటి వ్యాధులు కూడా దరిచేరవు. అలాంటి కొరమీనును వెన్నతో ఫ్పై చేస్తే ఎలా వుంటుందో చూద్దాం..
తయారీ విధానం:
ముందుగా శుభ్రపరిచిన కొరమీను చేపల్లోని ముల్లును తీసేయాలి. ఈ మీనుకు ఒకే ఒక ముల్లు వుంటుంది. ఆ చేపను చిన్న చిన్న ముక్కలుగా తరిగి పెట్టుకోవాలి. ఆ చేప ముక్కలకు ఉప్పు, మిరియాలపొడి, ఒక స్పూన్ నూనె చేర్చి బాగా కలిపి అర్థగంట పక్కనబెట్టేయాలి. తర్వాత బాణలిలో నూనె పోసి బాగా ఆరిన తర్వాత ఆ చేప ముక్కులను వేసి దోరగా వేపుకోవాలి. ఈ చేపల ఫ్రైని దించేటప్పుడు వెన్న రాసి, కొత్తిమీర తరుగును చేర్చి దించేయాలి. అంతే వేడి వేడి కొరమీను చేపల ఫ్రై సిద్ధమైనట్లే.
