గురువారం బృహస్పతికి ప్రీతికరమైన రోజు. ఈ గ్రహం మన శరీరానికి సంబంధించింది. ఈ రోజున ఇంటిల్లా పాది తుడిచిపెట్టే పనులు చేయకూడదు. వాస్తు ప్రకారం మన ఇంటి ఈశాన్య దిశ బృహస్పతి అని నమ్ముతారు. అలాగే, ఈ దిశ కుటుంబం, విద్య, పిల్లలకు సంబంధించినది. అందుకే ఈశాన్య దిశను గురువారం పూట పూర్తిగా తుడిచిపెట్టడం వంటివి చేయకూడదు.
అలాగే గురువారం పూట మహిళలు తలంటు స్నానం చేయకూడదట. మహిళల జాతకంలో బృహస్పతి భర్త కారకం, అలాగే పిల్లల కారకం, ఈ కారణంగా బృహస్పతి గ్రహం ఆధిపత్యం వహించే గురువారం పూట తలంటు స్నానం చేయడం కూడదు. ఇలాచేస్తే శుభకార్యాలుండవని.. వ్యాధులు ఆవహిస్తాయట. ఇంకా గురువారం జుట్టు కత్తిరించకూడదని అంటారు.
ముఖ్యంగా గురువారం పూట మాంసాహారం తీసుకోకూడదు. జంతు హింస కూడదు. ఈ రోజున రొట్టెలను తీసుకోవడం మంచిది. ఇంకా గురువారం పూట ముదురు రంగు దుస్తులను ధరించడం కూడదు. కానీ పసుపు బట్టలు ధరించవచ్చు. గురువారం ఉదయం స్నానం చేసి ఇష్టదేవతా పూజ చేయొచ్చు. పసుపు వస్తువులు, పసుపు పువ్వులు పూజకు ఉపయోగించడం మరిచిపోకూడదు.
పసుపు స్వీట్లు, పసుపు బియ్యం, పసుపును సమర్పించడం ద్వారా అష్టైశ్వర్యాలు చేకూరుతాయి. అరటి చెట్టును కూడా గురువారం రోజు పూజిస్తారు. అరటి చెట్టు పూజతో అనుకున్న కార్యాలు దిగ్విజయంగా పూర్తవుతాయి. అరటి చెట్టు వ్రేళ్ల వద్ద పసుపును నీటిని చల్లి... శెనగలు, పొడి ద్రాక్షలను అర్పించాలి.
