జీవితమంటే కల కాదని అంటూ ఉంటారు. కల అనేది వాస్తవం కన్నా ఎంతో అందంగా ఉంటుంది. అయితే అందంగా ఉన్న ఈ కలలు మంచి అనుభూతిని కలిగించే కలలే కావు. ఒక్కోసారి కంగారు పుట్టించే కలలు కూడా వస్తుంటాయి. ఇక అందమైన కలలు వచ్చినప్పుడు అప్పుడే తెల్లవారిపోతుందనిస్తుంది. ఒకవేళ పీడ కలలు వస్తే మాత్రం ఎప్పుడు తెల్లవారుతుందనిపిస్తుంది.
సాధారణంగా మనం చూసిన సంఘటనలే మనకు కలలుగా వస్తుంటాయి. ఇలాంటి కలల గురించి అంతగా పట్టించుకోకపోవడమే మంచిది. కానీ ఎలాంటి సంబంధం లేకుండా వచ్చే కొన్ని కలలు మాత్రం భవిష్యత్తులో జరుగనున్న కొన్ని పరిణామాలను సూచిస్తున్నట్లుగా వస్తాయి. చీకటిలో ఒంటరిగా నడుచుకుంటూ వెళ్లి ఏ గోతిలోనో, నీటిలోనో పడినట్లుగా కొందరి కలలు వస్తుంటాయి.
