అక్క‌డ పుట్టు మ‌చ్చ ఉంటే చాలా.. కోటీశ్వ‌రులు అయిపోతారా?

గురువారం, 13 అక్టోబరు 2016 (17:31 IST)
చేతి గీతలు, పుట్టు మచ్చలు చూసి మన జాతకాన్ని చెపుతుంటారు కొంద‌రు జోతిష్యులు. వీటిని మూఢనమ్మకాలని కొట్టిపారేశావారున్నారు. నమ్మేవాళ్లూ ఉన్నారు. శరీరంపై ఉండే పుట్టుమచ్చల ఆధారంగా మనకు కలిగే ప్రయోజనాల గురించి తెల్సుకుందాం.
 
* పుట్టుమచ్చల మీద వెంట్రుకలు ఉన్న వారు ధనవంతులు, కీర్తివంతులు అవుతారు.
* మగాళ్లకు రెండు కనుబొమ్మల మధ్య పుట్టుమచ్చలు ఉంటే దీర్ఘాయుష్షు లభిస్తుంది.
* మగవారికి తలలో పుట్టుమచ్చలుంటే గర్వం ఎక్కువ. వారు ప్రతి అంశాన్ని విమర్శనాత్మకంగా గమనిస్తారు. మంచి ఆశాభావం గలవారు.
* నుదుటి మీద ఉంటే మంచి కీర్తి, ప్రతిష్టలు సాధిస్తారు. ఆర్థిక స్వతంత్రం ఉంటుంది. రాజకీయాల్లో రాణిస్తారు.
* నుదుటి కింది భాగంలో ఉంటే మంచి లక్ష్యాన్ని, ఏకాగ్రతను కలిగి ఉంటారు. 40 ఏళ్ల తర్వాత విజయం సాధిస్తారు.
* కనుబొమ్మపై ఉంటే కష్టపడి పని చేయాల్సి ఉంటుంది. కొంతమందికి మంచి ఉద్యోగ అవకాశాలు లభిస్తాయి.
* ముక్కుపై ఉంటే కొంతమందిలో క్రమశిక్షణ లోపిస్తుంది. చెవికి చెందిన ఏ భాగంలో ఉన్నా ధనం కనిపిస్తూ ఉంటుంది. సమాజంలో గౌరవంతో కూడిన గుర్తింపు ఉంటుంది.
* పెదవిపై ఉంటే కొన్నిసార్లు మీ బంధువులు, స్నేహితుల విషయంలో మీకు ఈర్ష్య కలుగుతుంది. 
* బుగ్గపై ఉంటే రాజకీయాల్లో రాణిస్తారు. స్థిరాస్తులు గడిస్తారు.
* నాలుకపై ఉంటే మీరు మంచి తెలివితేటలు, విద్యను కలిగి ఉంటారు. 
* గడ్డంపై ఉంటే ఆడ, మగ వారిలో భిన్నంగా ఫలితాలు ఉంటాయి. 
* గడ్డం మధ్యలో పుట్టు మ‌చ్చ ఉన్న మగవారు ఉదార గుణము కలిగి ఉంటారు. ఆడ వారికి భక్తిభావం మెండు. మంచి అదృష్టవంతులవుతారు.
* భుజంపై ఉంటే మర్యాదస్తులుగా ఉంటారు. కష్టపడి పనిచేసే స్వభావం కలిగి ఉంటారు. ఆనందకరమైన దాంపత్య జీవితం కొనసాగిస్తారు. 
* మోచేయిపై ఉంటే మీ జీవితంలోని లక్ష్యాలను చేరుకోవడంలో కొన్ని ఒడిదుడుకులు తప్పవు.
* ఎడమ బాహుమూల భాగంలో ఉంటే మీ ప్రారంభ జీవితంలో కొంత ఒడిదుడుకులున్నా తర్వాత నెమ్మదిగా సర్దుకుంటాయి. 
* కుడి బాహుమూల భాగంలో ఉంటే భద్రత విషయంలో మీరు చాలా మెళకువగా ఉంటారు. 
* మెడ భాగంలో ఉంటే కొన్ని సమయాల్లో మీకు దురదృష్టం తప్పదు. ఇతరులు మిమ్మల్ని మోసగించేందుకు ప్రయత్నిస్తారు.
 
* కుడి కనుబొమ మీద మచ్చ ఉన్నవారికి వివాహము త్వరిత గతిన అవుతుంది. 
* కుడి కంటి రెప్పపై పుట్టుమచ్చ ఉంటే సంపద కలుగుతుంది. వాహన సౌఖ్యం లభిస్తుంది. 
* మొత్తంగా ముఖానికి కుడి వైపున పుట్టుమచ్చలు కలిగిన పురుషులు అదృష్టవంతులుగా 
ఉంటారు. ఎడమవైపు పుట్టుమచ్చలు ఉంటే ఫలితాలు మిశ్రమంగా ఉంటాయి.
* శరీరం ముందు భాగంలో ఉంటే ఆకస్మిక ధన లాభం. 
* శరీరం వెనుక భాగంలో ఉంటే మీరు కష్టపడి పని చేసినా ఆ పేరు ఇతరులకు దక్కుతుంది.

వెబ్ దునియా తెలుగు వార్తలు, సినిమాతో పాటు మరిన్ని విశేషాల కోసం Mobile App డౌన్లోడ్ చేసుకునేందుకు ఇక్కడ క్లిక్ చేయండి.
 

వెబ్దునియా పై చదవండి