ఆంజనేయ స్వామి అంటే ఇష్టపడని వారుండరు. తలచినంతనే కష్టాలను తీర్చి, అభీష్టాలను నెరవేర్చేవారు స్వామివారు. ఆంజనేయుని పంచముఖ రూపంలో ఆరాధించడం ఈ మధ్య ఎక్కువగా చూస్తున్నాం. అయితే త్రేతాయుగంలో రామలక్ష్మణులను రక్షించేందుకు హనుమంతుడు పంచముఖునిగా మారిన వైనం రామాయణంలోనే కనిపిస్తుంది. అప్పటి నుండే స్వామివారిని పంచముఖ రూపంలో కొలిచే సంప్రదాయం ప్రారంభమైంది.
ఇలాంటి స్వామివారిని ప్రతీ మంగళవారం రోజున పూజిస్తే కోరిన కోరికలు నెరవేరుతాయని పండితులు సూచిస్తున్నారు. కనుక మంగళవారం రోజున స్వామివారిని నచ్చిన పదార్థాలు నైవేద్యంగా సమర్పించి, భక్తిశ్రద్ధలతో పూజలు చేస్తే మంచిది. తరచు గ్రహదోషాలు, శనిదోషాలతో బాధపడేవారు.. మంగళవారం రోజున.. ఉపవాస దీక్షను చేపట్టి హనుమాన్ చాలీసా అనే మంత్రాన్ని జపిస్తూ స్వామివారిని ప్రార్థిస్తుంటే తప్పక ఫలితం ఉంటుంది.
