మంగళవారం కుమారస్వామి వారికి ప్రీతికరమైన రోజు. ఈ రోజున ఈ స్వామివారిని దర్శించుకుంటే మంచిదని పండితులు చెబుతున్నారు. మంగళవారం రోజున సూర్యోదయానికి ముందుగా లేచి స్నానమాచరించి పూజగదిని శుభ్రం చేసుకుని పటాలను పసుపు, కుంకుమలతో బొట్టుపెట్టి పువ్వులతో అలంకరించుకోవాలి.
ఆ తరువాత దీపారాధన చేసి భక్తిశ్రద్ధలతో పూజలు చేయవలసి ఉంటుంది. ఇలా ఈ నాడు పూజలు చేయడం వలన అష్టైశ్వర్యాలు చేకూరుతాయని పురాణాలలో చెప్పబడింది. అలాగే ఆలయాలకు వెళ్ళి కుమారస్వామివారిని, శ్రీ వేంకటేశ్వర స్వామి వారిని ఆరాధించడం వలన బాధలు, దారిద్య్రాలు తొలగిపోయి సిరిసంపదలు చేకూరుతాయి.
