వెంకటనాథుడు క్రీ.శ.1621 దుర్మతి నామ సంవత్సరంలో ఫాల్గుణ శుద్ధ విదియనాడు రాఘవేంద్రస్వామి వారు సన్యాసాశ్రమం స్వీకరించారు. ఆ తరువాత ఆయన తన శిష్య బృందంతో కలిసి అనేక ప్రాంతాలను వెళుతారు. తన భక్తుని కుమారుడు మామిడి రసం నింపిన గంగాళంలో పడి మరణించినప్పుడు స్వామి మూల రామునిని స్మరించి తన భక్తుని కుమారుని బ్రతికిస్తారు.
ఎవరి సహాయసహకారాలు అందని ప్రదేశంలో తన భక్తుని భార్య ప్రసవ వేదనతో భాదపడుతుంటే ఆమెకి సుఖప్రసవం కలిగేలా చేస్తారు రాఘవేంద్రస్వామి వారు. పశువుల కాపరి అయిన వెంకన్నను ఆయన ఆశీర్వదించి తన అనుగ్రహ హస్తంతో దివాను అయ్యేలా చేస్తారు. ఓ వ్యక్తి అహంభావాన్ని నశింపజేయడం కోసం ఆ గ్రామంలో యజ్ఞయాగాదులు జరిగేలా చూడడం కోసం రోకలి చిగురించేలా చేస్తారు స్వామివారు.
