తులసిని దేవతగా భావించి ఇంట్లో ఉంచి పూజలు చేస్తుంటారు. హిందువులు దేవతగా పూజించే తులసి చెట్టును ప్రతి ఇంట్లోనూ ఉంటుంది. అయితే కొత్త ఇంటిలో దీనిని ఎక్కడ ఏ విధంగా, ఏ దిశలో, ఏ వైపు నిర్మించుకోవాలన్న విషయాలను తెలుసుకుందాం. తులసి చెట్టును నిర్మించాలనుకునేవారు దాని చుట్టూ తిరిగే విధంగా స్థలాన్ని కూడా ఏర్పరచుకోవాలి. అలాగని వీటిని ప్రహరీ గోడలకు ఆనించి నిర్మించకూడదు.
తూర్పు ఈశాన్యం, ఉత్తర ఈశాన్య దిశలలో తులసి చెట్టులను ఉంచకూడదు. ఎందుకంటే ఈ ప్రాంతంలో బరువు ఎక్కువై చెడు సంఘటనలు జరిగే అవకాశం ఉంది. అయితే పూర్వంలాగా ప్రస్తుత కాలంలో తులసికి కోటలు కట్టడం లేదు. పూల మొక్కలు పెంచే కుండీలలోనే పెంచుతున్నారు. అయినప్పటికీ, వీటిని దక్షిణ ఆగ్నేయ, పశ్చిమ వాయవ్య దిశలలో పెట్టుకుంటే మంచిది.
