పంతాలు, పట్టింపులు ఆగవు

వార్తః తెలంగాణా ప్రాంతంలో జరిగిన ఉప ఎన్నికలకోసం చేసిన భద్రతా ఏర్పాట్ల కోసం రూ.11కోట్ల మేర ఖర్చయిందని డీజీపీ ఎస్‌ఎస్‌పీ యాదవ్ తెలిపారు.

చెవాకుః ఆరు నెలల పదవి కోసం రూ. 11కోట్ల మేర ప్రజాధనం దుర్వినియోగం కావడం బాధాకరమే. అయినా మీరు ఈ వివరాలను అందించినంత మాత్రాన ఉద్యమాలు ఆగిపోవు. ప్రజాధనం దుర్వినియోగం కావడం కన్నా అసలు లక్ష్యం (ఉన్నత పీఠం) దక్కేవరకు పంతాల్లో నెగ్గడమేగా రాజకీయ నేతలకు ముఖ్యం. ఎలాగూ ఈ ఎన్నికల కారణంగా ఓటర్లు కూడా ఏదో కొంత లాభపడ్డారన్నది ఊరట కలిగించే విషయం. ఆ ఊరటతోనే ఈ ఎన్నికల భారాన్ని దిగమింగుకుందాం.