ఆసియా క్రీడల అథ్లెటిక్స్‌లో భారత్ సత్తా చాటింది. బుధవారం అథ్లెట్లు రెండు పసిడి పతకాలు నెగ్గడంతో క్రీడల్లో భారత్ స్వర్ణాల సంఖ్య రెండంకెలకు చేరుకుంది. ట్రిపుల్‌ జంప్‌లో అర్పిందర్‌ సింగ్, మహిళల హెప్టాథ్లాన్‌లో స్వప్న బర్మన్‌ బంగారు పతకాలు సాధించారు.
ఇక టేబుల్‌ టెన్నిస్‌ మిక్స్‌డ్‌ డబుల్స్‌లో శరత్‌ కమల్‌-మనిక బత్రా జోడీ కాంస్యం గెలిచింది. ఏషియాడ్‌ టీటీలో భారత్‌కు ఇదే తొలి మిక్స్‌డ్‌ పతకం కావడం గమనార్హం. మహిళల హాకీ జట్టు ఫైనల్‌ చేరి కనీసం రజతం ఖాయం చేసింది. మరో నాలుగు పతకాలు కూడా ఖాయమయ్యాయి. భారత్ 11 స్వర్ణాలు సహా మొత్తం 54 పతకాలతో తొమ్మిదో స్థానంలో ఉంది.
