ప్రొ కబడ్డీ లీగ్‌: పింకి ఫాంథర్స్‌ను చిత్తుచేసిన పట్నా.. టైటిల్ విజేతగా పైరేట్స్!

ప్రొ కబడ్డీ లీగ్‌కు ఆదివారం రాత్రితో తెరపడింది. నెల రోజులకు పైగా సందడి చేసిన ఈ లీగ్ హైదరాబాదులోని గచ్చిబౌలి ఇండోర్ స్టేడియంలో జరిగింది. ఆదివారం రాత్రి జరిగిన లీగ్ ఫైనల్లో పింక్ ఫాంథర్స్‌ను చిత్తుచేసిన పట్నా పైరేట్స్ టైటిల్‌ను గెలుచుకుంది.

వెరసి పట్నా పైరేట్స్ వరుసగా రెండోసారి విజేతగా నిలిచింది. అత్యంత ఉత్కంఠభరితంగా సాగిన ఈ మ్యాచ్‌లో 37-29 పాయింట్ల తేడాతో పైరేట్స్ చేతిలో పాంథర్స్ చిత్తైంది. 

మ్యాచ్ ప్రారంభంలో సత్తా చాటిన పింక్ పాంథర్స్ చివరలో మాత్రం చేతులెత్తేసింది. సింగిల్ మ్యాచ్‌లో ఏకంగా 16 పాయింట్లను సాధించిన పైరేట్స్ ఆటగాడు పర్దీప్ నర్వాల్ తన జట్టు గెలుపులో కీలక భూమిక పోషించాడు.