ప్రత్యర్థులకు చుక్కలు చూపించే.. ది గ్రేట్ ఖలీ రెజ్లర్ దిలీప్ సింగ్ రానాకు కోపమొచ్చింది. అయితే ఈసారి కోపం వచ్చింది కుస్తీల రింగ్లో కాదు. విదేశీ రెజ్లర్లపై. వివరాల్లోకి వెళితే.. జలంధర్లోని ఇతని రెజ్లింగ్ అకాడమీపై కొందరు విదేశీ రెజ్లర్లు దాడి చేసి అక్కడి సిబ్బందిపై దౌర్జన్యం చేశారు. కొన్ని డాక్యుమెంట్లను చించివేశారు. ఈ విషయం తెలుసుకున్న ఖలీ కోపంతో ఊగిపోయాడు. అంతే వారు బస చేసిన హోటళ్లోకి వెళ్లి వారిని చితకబాదాడు.
