నెదర్లాండ్స్- ఇంగ్లాండ్ మ్యాచ్ హైలెట్స్

ఐసీసీ ట్వంటీ- 20 ప్రపంచకప్ ప్రారంభ మ్యాచ్‌లో అతిథ్య ఇంగ్లాండ్‌పై నెదర్లాండ్స్ జట్టు నాలుగు వికెట్ల తేడాతో విజయం సాధించింది. చారిత్రాత్మక లార్డ్స్ మైదానంలో జరిగిన ఈ మ్యాచ్ హైలెట్స్‌ను పరిశీలిస్తే...

-> ఐసీసీ ట్వంటీ ప్రపంచకప్‌లో ఇంగ్లాండ్‌కు ఇది వరుసగా ఐదో పరాజయం. గత ప్రపంచకప్‌లో బంగ్లాదేశ్, ఇంగ్లాండ్ పేరిట ఉన్న వరుసగా నాలుగు ట్వంటీ- 20 మ్యాచ్‌‍లలో పరాజయం పాలైన రికార్డును ఇంగ్లాండ్ తాజా మ్యాచ్‌లో సవరించింది.

-> ఇంగ్లాండ్ సెప్టెంబరు 13, 2007న జింబాబ్వేపై 50 పరుగుల తేడాతో విజయం సాధించి, తరువాత వరుసగా ఐదు ప్రపంచకప్ మ్యాచ్‌లలో ఇంగ్లాండ్ పరాజయాలు మూటగట్టుకుంది.

-> రవి బొపారా (34 బంతుల్లో 46 పరుగులు) అంతర్జాతీయ ట్వంటీ- 20 క్రికెట్‌లో అత్యుత్తమ స్కోరు నమోదు చేసుకున్నాడు.

-> ల్యూక్ రైట్ (49 బంతుల్లో 71 పరుగులు) ట్వంటీ- 20 క్రికెట్‌లో అత్యుత్తమ స్కోరు నమోదు చేశాడు. ఇది అతని తొలి అర్ధ సెంచరీ కూడా. బొపారా- రైట్ జోడించిన 102 పరుగులే ట్వంటీ- 20 క్రికెట్‌లో అత్యుత్తమ తొలి వికెట్ భాగస్వామ్యం.

-> ఇంగ్లాండ్ బౌలర్ జేమ్స్ ఆండర్సన్ (3/23) కూడా తన ట్వంటీ- 20 కెరీర్‌లో అత్యుత్తమ ప్రదర్శన కనబర్చాడు. అతని గత అత్యుత్తమ ప్రదర్శన న్యూజిలాండ్‌పై 2/24.

-> నెదర్లాండ్స్ జట్టు (163 పరుగులు)కు ట్వంటీ- 20 క్రికెట్‌లో అది అతిపెద్ద స్కోరు. ఆగస్టు 2, 2008లో బెల్‌ఫాస్ట్‌లో జరిగిన ట్వంటీ మ్యాచ్‌లో సాధించిన 153/5 స్కోరే ఇప్పటివరకు ఆ జట్టు అత్యుత్తమ స్కోరు.

-> నెదర్లాండ్స్ బ్యాట్స్‌మెన్ టామ్ డి గ్రూత్ (30 బంతుల్లో 49 పరుగులు) ఈ మ్యాచ్ ద్వారా కెరీర్‌లో అత్యుత్తమ స్కోరు నమోదు చేసుకున్నాడు. అంతేకాకుండా తొలి మ్యాన్ ఆఫ్ ది మ్యాచ్‌ను కూడా దక్కించుకున్నాడు.