సినీ నటి విజయశాంతి భారతీయ జనతా పార్టీకి తేరుకోలేని షాకిచ్చారు. కమలం పార్టీకి రాజీనామా చేసి హస్తానికి జైకొట్టారు. ఏఐసీసీ అధ్యక్షుడు మల్లికార్జున ఖర్గే సమక్షంలో ఆమె కాంగ్రెస్ కండువా కప్పుకున్నారు. దీంతో ఆమె మళ్లీ కాంగ్రెస్ గూటికే చేరినట్టయింది. శుక్రవారం హైదరాబాద్‌ నగరంలో జరిగిన ఓ హోటల్‌లో ఏఐసీసీ అధ్యక్షుడు మల్లికార్జున ఖర్గే సమక్షంలో ఆమె కాంగ్రెస్ పార్టీలో చేరారు.
ఇటీవల విజయశాంతి భాజపా జాతీయ కార్యవర్గ సభ్యురాలి పదవి, పార్టీ ప్రాథమిక సభ్యత్వానికి రాజీనామా చేసిన విషయం తెల్సిందే. రాజీనామా లేఖను పార్టీ రాష్ట్ర అధ్యక్షుడు కిషన్‌ రెడ్డికి పంపించారు. కిషన్‌ రెడ్డి రాష్ట్ర అధ్యక్ష బాధ్యతలు చేపట్టినప్పటి నుంచి పార్టీ తీరుపై ఆమె ఆగ్రహంగా ఉన్నారు.
కాగా, తన రాజకీయ ప్రస్థానంలో భాగంగా ఆమె తల్లి తెలంగాణ పార్టీని ప్రారంభించారు. ఆ తర్వాత దాన్ని కాంగ్రెస్ పార్టీలో విలీనం చేశారు. ఆ తర్వాత తెరాసలో చేరి మెదక్ ఎంపీగా గెలుపొందారు. పిమ్మట ఆ పార్టీకి రాజీనామా చేసి భారతీయ జనతా పార్టీలో చేరారు. ఇపుడు ఆ పార్టీకి కూడా రాజీనామా చేసి మళ్లీ కాంగ్రెస్ గూటికే చేరుకున్నారు.
