తెలుగు సీనియర్ నటి జీవిత రాజశేఖర్ ఇక నుంచి రాజకీయాల్లో క్రియాశీలకంగా వ్యవహరించనున్నారు. ఇటీవలే ఆమె భారతీయ జనతా పార్టీలో చేరారు. ప్రస్తుతం తెలంగాణ బీజేపీ శాఖతో కలిసి ఆమె పని చేస్తున్నారు. ఈ క్రమంలో వచ్చే 2024లో జరుగనున్న పార్లమెంట్ ఎన్నికల్లో ఆమె బీజేపీ అభ్యర్థిగా పోటీ చేయనున్నారనీ, అదీకూడా జహీరాబాద్ స్థానం నుంచి ఆమె పోటీ చేస్తారన్న ప్రచారం జోరుగా సాగుతోంది.
మరోవైపు, వచ్చే యేడాది తెలంగాణ రాష్ట్ర శాసనసభకు ఎన్నికలు జరుగనున్నాయి. ఈ ఎన్నికల్లో పార్టీని విజయపథంలో నడిపించి ప్రభుత్వాన్ని ఏర్పాటు చేయాలన్న పట్టుదలతో బీజేపీ పెద్దలు ఉన్నారు. అందుకే ఆ పార్టీకి చెందిన సీనియర్ నేతలు తరచుగా తెలంగాణ రాష్ట్రంలో పర్యటిస్తూ, పార్టీ శ్రేణులను ఇప్పటి నుంచే ఎన్నికలకు సిద్ధం చేస్తున్నారు.
