వివరాల్లోకి వెళితే.. శంషాబాద్ మండలంలో 17 ఏళ్ల యువతి ఇంటర్ చదువుతోంది. ఆమెకు ప్రధమ సంవత్సరంలో తక్కువ మార్కులు రావడంతో ఫెయిలైంది. దీనితో తనకు టెన్త్ క్లాసులో పాఠాలు చెప్పిన ప్రధానోపాధ్యాయుడు అక్బర్ గుర్తు వచ్చాడు. వెంటనే ఆయన వద్దకెళ్లి తనకు కొన్ని సబ్జెక్టులు అర్థం కావడంలేదనీ, తనకు కోచింగ్ ఇచ్చి ఎలాగైనా పాస్ చేయించాలని కోరింది. దాంతో... ఇక్కడ కాదు ఇంటికి వస్తే ప్లాన్ చేద్దామని చెప్పాడు అక్బర్.
ఆయన మాటలు నమ్మిన విద్యార్థిని మాస్టారు ఇంటికి వెళ్లింది. అంతే... ఆమెకు మాయమాటలు చెప్పి రహస్య ప్రాంతానికి తీసుకెళ్లి పెళ్లి చేసేసుకున్నాడు. ఆ తర్వాత ఆమెపై బలవంతంగా అత్యాచారానికి పాల్పడ్డాడు. నలుగురు పిల్లలున్న మాస్టారు ఇలా దారుణానికి పాల్పడుతాడని ఊహించని ఆ బాలిక చివరికి ఎలాగో తప్పించుకుని విషయాన్ని తల్లిదండ్రుకు చెప్పింది. పోలీసులకు ఫిర్యాదు చేయగా అతడిని అరెస్టు చేశారు.
