తెలంగాణ రాష్ట్రంలో కరోనా వైరస్ వ్యాప్తి కట్టడి చర్యల్లో భాగంగా, ప్రస్తుతం అమలు చేస్తున్న లాక్డౌన్ను మరో పది రోజుల పాటు పొడగించారు. ఈ లాక్డౌన్ ఆదివారం అర్థరాత్రితో ముగియనున్న నేపథ్యంలో రాష్ట్ర ప్ర‌భుత్వం దీన్ని పొడిగించింది. ఈ మేర‌కు సీఎం కేసీఆర్ అధ్య‌క్ష‌త‌న జ‌రిగిన రాష్ట్ర మంత్రివ‌ర్గ స‌మావేశం నిర్ణయం తీసుకున్న‌ది. జూన్ 9వ తేదీ వ‌ర‌కు లాక్డౌన్ను పొడిగిస్తూ మంత్రివ‌ర్గం నిర్ణ‌యించింది.
ఆదివారం వ‌ర‌కు రోజుకు 4 గంట‌లు మాత్ర‌మే మిన‌హాయింపు ఇవ్వ‌గా, ఆ స‌మ‌యాన్ని మరో మూడు గంట‌ల పాటు పొడిగించారు. ఇక ప్ర‌తీ రోజు ఉద‌యం 6 గంట‌ల నుంచి మ‌ధ్యాహ్నం ఒంటి గంట వ‌ర‌కు లాక్డౌన్ నుంచి మిన‌హాయింపు ఇచ్చారు.
