ఆమెకు ఇదివరకు పెళ్ళయ్యింది. ఇద్దరు పిల్లలున్నారు. ఆరేళ్ళు, ఎనిమిదేళ్ళలోపు పిల్లలు. పిల్లలకు విద్యాబుద్ధులు నేర్పించి వారిని ఉన్నత విద్యావంతులుగా తీర్చిదిద్దాల్సిన ఆమె పెడదారి పట్టింది. ఫేస్ బుక్ పుణ్యమా అని ఒక ఎస్ఐకి కనెక్టయ్యింది. అంతటితో ఆగలేదు. పచ్చటి సంసారాన్ని చేజేతులా నాశనం చేసుకుంది.
తెలంగాణా రాష్ట్రం జగిత్యాల జిల్లాకు చెందిన ఎస్ఐకు ఖమ్మం పట్టణానికి చెందిన వివాహితతో పరిచయం ఏర్పడింది. ఆ పరిచయం ఫేస్‌బుక్ ద్వారా జరిగింది. ఎస్ఐ మామూలోడు కాదు. తాను అడవిలో ఛేజింగ్ చేస్తున్నట్లు.. దొంగలను పట్టుకున్నట్లు.. అవార్డులు, రివార్డులు అందుకున్నట్లు.. ఇలా ఒక్కటేమిటి.. ఫేస్ బుక్‌లో ఫోటోలతో ఆకర్షించి వివాహితను తనవైపు తిప్పుకున్నాడు.
