మరో నాలుగు వారాలు వర్షాలు కుమ్మేస్తాయి.. అలెర్ట్ అవసరం..

తెలంగాణే కాదు.. దేశమంతటా మరో నాలుగు వారాల పాటు జోరుగా వానలు కురిసే అవకాశముందని హైదరాబాద్ వాతావరణ కేంద్రం తెలిపింది. 

ఆగస్టు ఆఖరి వారం వరకు ఇదే పరిస్థితి ఉంటుందని.. ప్రజలు అప్రమత్తంగా ఉండాలని పేర్కొంది. దేశవ్యాప్తంతా ఏయే ప్రాంతాల్లో ఎంత మేర వానలు కురిసే అవకాశముందన్న వివరాలను వెల్లడించింది. తెలంగాణలో రోజుకు 10-15 మి.మీ వాన కురిసే అవకాశముందని పేర్కొంది. 

ఆంధ్రప్రదేశ్‌‌లో కూడా ఇంచు మించు ఇవే పరిస్థితులు ఉండవచ్చని తెలిపింది. ప్రస్తుతం తెలంగాణ వ్యాప్తంగా విస్తారంగా వర్షాలు కురుస్తున్నాయి. ఉపరితల ద్రోణి ప్రభావంతో తెలంగాణలో మరో వారం రోజుల పాటు రాష్ట్రంలో విస్తారంగా వర్షాలు కురవనున్నట్లు వాతావరణశాఖ తెలిపింది.