కామాంధులు పొంచేసి వుంటారు. పొరబాటున అమ్మాయిలు ఏమరుపాటుగా వుంటే చేయాల్సింది చేసేస్తారు. హైదరాబాదు వనస్థలిపురంలో నివాసం వుంటున్న ఓ యాంకర్ పైన ఓ కామాంధుడు కన్నేసి ఆమెపై అత్యాచారానికి పాల్పడ్డాడు. వివరాల్లోకి వెళితే... ఇప్పుడిప్పుడే తెలుగు బుల్లితెరపై పేరు తెచ్చుకుంటున్న ఓ వర్థమాన యాంకర్ వనస్థలిపురంలో వుంటోంది. ఆమె వుంటున్న ఇంటికి సమీపంలోనే గిరీష్ అనే వ్యక్తి వుంటున్నాడు.
ఓ రోజు అకస్మాత్తుగా... ఆమెకు ఫోన్ చేసి నీ నగ్న వీడియోలు తీశాను. నా దగ్గరే వున్నాయంటూ బెదిరించడం మొదలుపెట్టాడు. వెంటనే తన వద్దకు రాకపోతే వాటిని బయటపెట్టేస్తానని బెదిరించడంతో సదరు యాంకర్ అతడి ఇంటికి వెళ్లింది. ఆమె వస్తుందని ముందుగా ప్రణాళిక ప్రకారం ఆమె రాగానే బలవంతంగా లోనికి తీసుకెళ్లి ఆమెపై అత్యాచారం చేశాడు.
ఆ తర్వాత ఆమెను అనంతపురం జిల్లాకు తీసుకెళ్లి అక్కడ కూడా ఘాతుకానికి పాల్పడ్డాడు. ఆమె అతడి చెర నుంచి ఎలాగో తప్పించుకుని పోలీస్ కమీషనర్ దగ్గరకు వెళ్లి తనపై జరిగిన దారుణాన్ని చెప్పడంతో పోలీసులు రంగంలోకి దిగి అతడిని అరెస్టు చేశారు. కాగా ఇంత జరిగినా ఆమె తల్లిదండ్రులు కానీ, ఆమె యాంకరింగ్ చేస్తున్న ఛానల్ కానీ ఆమె గురించి ఎందుకు వాకబు చేయలేదన్న దానిపై పోలీసులు ఆరా తీస్తున్నారు. ఏముందిలే... హైదరాబాదులో బాగానే వుండి వుంటుందని వదిలేసి వుంటారేమో...? వంటరిగా వుంటున్న అమ్మాయిల గురించి తల్లిదండ్రులు రోజూ వాకబు చేయడం మంచిది.
