సాధారణంగా మనుషులు ఆస్తుల, డబ్బుల కోసం గొడవపడుతుంటారు. అయితే వీటితో సంబంధం లేకుండా కేవలం కుక్క కోసం విచక్షణారహితంగా ఒకరిపై మరొకరు దాడి చేసుకున్నారు. ఒక కాంగ్రెస్ నేత కుక్క కోసం ఇద్దరు మహిళలను చితక్కొట్టారు. చివరకు కుక్క పంచాయితీ కాస్త పోలీస్ స్టేషన్‌కు చేరడంతో కేసు నమోదైంది.
తెలంగాణలోని పెద్దపల్లి జిల్లా గాంధీనగర్‌లో కాంగ్రెస్ పార్టీ కార్యదర్శి కట్కూరి సందీప్ నివాసం ఉంటున్నాడు. అతనికి ఓ పెంపుడు కుక్క ఉంది. పక్కింటి పరిసరాలు అపరిశుభ్రం చేస్తోంది. తమ ఇంటి ముందు పరిసరాలను కుక్క అపరిశుభ్రంగా చేస్తోందని ఎన్నిసార్లు చెప్పినా సందీప్ కుటుంబం పట్టించుకోలేదు. దీంతో వారు సందీప్‌ను నిలదీశారు. దీంతో తమనే నిలదీస్తారా అంటూ సందీప్ పక్కింటి మహిళలను విచక్షణారహితంగా కొట్టాడు.
