అసెంబ్లీ ప్రశ్నోత్తరాల సమయంలో ఓ సభ్యుడు అడిగిన ప్రశ్నకు ఆయన సమాధానమిచ్చారు. అదేవిధంగా జీహెచ్ఎంసీ పరిధిలోని బస్తీల సుస్తీ పోగొట్టేందుకు బస్తీ దావఖానాలను సీఎం కేసీఆర్ ప్రారంభించారని మంత్రి హరీశ్ గుర్తు చేశారు. ఈ బస్తీ దావఖానాల్లో ప్రస్తుతం 57 రకాల వైద్య పరీక్షలు చేస్తున్నామని, త్వరలోనే ఈ పరీక్షల సంఖ్యను 134కు పెంచుతామని తెలిపారు.
అలాగే, చికిత్సలో భాగంగా రోగులకు 158 రకాల మందులను అందుబాటులో ఉంచినట్టు తెలిపారు. బస్తీ దావఖానాల వల్ల పెద్దాసుపత్రుల్లో ఔట్ పేషంట్ల రద్దీ తగ్గిందని మంత్రి వెల్లడించారు. ఈ బస్తీ దావఖానాల్లో ఇప్పటివరకు కోటి మందికి పైగా బస్తీవాసులు వైద్య సేవలు పొందారని ఆయన తెలిపారు.
