తాజాగా పలు ఐటీ కంపెనీల ప్ర‌తినిధుల‌తో తెలంగాణ రాష్ట్ర ఐటీ శాఖ ముఖ్య కార్య‌ద‌ర్శి జయేశ్ రంజన్ సమావేశం నిర్వహించారు. ఈ సమావేశంలో ఆయ కంపెనీల ప్రతినిధులకు ఆయన పలు సూచనలు చేశారు. ఇకపై వర్క్ ఫ్రం హోం వ‌ద్ద‌ని, ఉద్యోగుల‌ను క్ర‌మంగా కార్యాల‌యాల‌కు పిలిపించాల‌ని ఆయా కంపెనీల‌ను కోరారు.
ఈ మేర‌కు సెప్టెంబరు 1 నుంచే కార్యాల‌యాల నుంచే ఉద్యోగుల‌తో ప‌నులు చేయించేలా చూడాల‌ని చెప్పింది. ఇందుకు ఐటీ సంస్థ‌లు అన్ని ఏర్పాట్లు చేసుకోవాల‌ని కోరింది. అయితే ప్ర‌భుత్వ సూచ‌న ప‌ట్ల పలు ఐటీ సంస్థ‌లు విముఖత వ్యక్తం చేశాయి. వర్క్ ఫ్రం హోం వల్ల త‌మ ఉద్యోగులు మ‌రింత మెరుగ్గా ప‌నిచేస్తున్నార‌ని చెప్పాయి.
గూగుల్, కాగ్నిజెంట్ వంటి పెద్ద కంపెనీలు కూడా అక్టోబ‌రు వ‌ర‌కు వర్క్ ఫ్రం హోం ఇస్తామ‌ని ఇప్పటికే ప్ర‌క‌టించాయ‌ని పలు కంపెనీల ప్ర‌తినిధులు గుర్తు చేశారు. వర్క్ ఫ్రం హోం వల్ల అవుట్ పుట్ ఎక్కువ‌గా వ‌స్తోంద‌న్నారు.
