బాంబే పిల్ల సదా "జయం" చిత్రంతో టాలీవుడ్‌లో జయకేతనం ఎగురవేసింది. ఆ తర్వాత శంకర్ అపరిచితుడుతో టాప్ పొజిషన్‌కు చేరుకున్నానని తెగ సంబరపడి పోయింది. కానీ ఆ సంతోషం ఎంతో కాలం నిలువ లేదు. తుస్సుమంది. అవకాశాలు అనుకున్నంతగా దొరక్కపోవడంతో మూటాముల్లే సర్దుకుని సొంతూరికి వెళ్లిపోయింది. అయినా ఒక్కసారి సినిమా పురుగు కుడితే దాని నుంచి తప్పించుకుని వెళ్లడం సాధ్యం కాదు గనుక సినిమాలకు దూరంగా ఉండలేని సదా అడపాదడపా కొన్ని చిత్రాల్లో నటిస్తూనే ఉంది.
