నందమూరి వంశంలో హీరోలుగా ఎదగాలని ఆశపడుతున్న వారిలో తారకరత్న ఒకరు. ఏకంగా 9 చిత్రాల షూటింగ్లు ఒకేసారి జరిపి దిష్టిపోతుందని అనుకున్నా.. అందులో మూడు చిత్రాలు మినహా ఏవీ షూటింగ్కు నోచుకోలేదు.
ఆ తర్వాత అరకొర చిత్రాలు చేసినా అంతగా గుర్తింపు రాలేదు. దీంతో ఇక హీరో వేషాలకు స్వస్తి చెప్పి.. విలన్ వేషాలకు సిద్ధమయ్యాడు.
ఇందులో భాగంగా "అమరావతి" అనే చిత్రంలో తారకరత్న విలన్గా నటిస్తున్నాడు. అల్లరి రవిబాబు దర్శకత్వం వహిస్తోన్న ఈ చిత్రం సస్పెన్స్ థ్రిల్లర్గా తెరకెక్కనుంది. ఈ చిత్రం ద్వారానైనా తనకు గుర్తింపు వస్తుందని తారకరత్న ఆశిస్తున్నాడు.
పొలిటికల్ ఫీల్డులోనూ తనకు ఏమాత్రం గుర్తింపు రాకపోయేసరికి ఇక సినిమాలైనా గుర్తింపునిస్తాయని ఎంతో ఆశగా ఎదురుచూస్తున్నాడు. మరి ప్రేక్షకులు తారకరత్నను ఏ మేరకు ఆదుకుంటారో వేచి చూడాల్సిందే..!.