అగ్నిసాక్షిగా పెళ్లాడిన భార్యకు విడాకులు ఇవ్వడాన్ని తమిళ, తెలుగు చిత్రాల హీరో ప్రశాంత్ సమర్థించుకున్నారు. ఆమెకు మొదటి భర్తతో వివాహేతర సంబంధం ఉందని అందుకే కోర్టు ద్వారా వదిలించుకున్నట్టు వెల్లడించారు. పైగా, తనను మోసం చేసి వివాహం చేసుకుందని ఆరోపించారు.
గతంలో 'తొలిముద్దు', 'ప్రేమఖైదీ', 'జీన్స్' వంటి చిత్రాలతో మంచి క్రేజ్‌ను సంపాదించుకున్న హీరో ప్రశాంత్. ఈయన గత 2005లో అతడు గృహలక్ష్మి అనే అమ్మాయిని పెళ్లిచేసుకున్నాడు. అయితే, ఈయన ఇటీవలే తన భార్య గృహలక్ష్మికి విడాకులు ఇచ్చారు. ఈ దంపతులకు ఓ బాబు కూడా ఉన్నారు. ఈ నేపథ్యంలో భార్యకు విడాకులు ఇవ్వడానికి ప్రధాన కారణాన్ని హీరో బహిర్గతం చేశారు.
