బాలీవుడ్ హీరోయిన్ కాజోల్‌కు దర్శక-నిర్మాత కరణ్ జోహార్ దూరం పెరిగిందని అజయ్ దేవగణ్ వ్యాఖ్యానించడం బి టౌన్‌లో దుమారం రేపింది. గతంలో కరణ్ దర్శకత్వంలో పలు సినిమాల్లో నటించిన కాజోల్ అతడితో స్నేహంగానే ఉంటూ వచ్చింది. వీళ్లంతా బాలీవుడ్‌లో ఒక గ్రూప్‌గా ఉంటూ వచ్చారు. ఇప్పుడు కరణ్‌తో కాజోల్‌కు సాన్నిహిత్యం లేదని.. దీనికి వ్యక్తిగత కారణాలున్నాయని అజయ్ చెప్పుకొచ్చాడు.
ఈ నెల 29న కరణ్ సినిమా ''యే దిల్ హే ముష్కిల్''తో పాటు అజయ్ సినిమా ''శివాయ్''లు విడుదల కానున్నాయి. ఈ నేపథ్యంలో వీరి మధ్య గట్టి పోటీ నెలకొని ఉంది. అజయ్ దేవ‌గ‌న్ నటించిన శివాయ్, ఐశ్య‌ర్య రాయ్, ర‌ణ‌వీర్ క‌పూర్, అనుష్క శ‌ర్మ నటించిన కరణ్ జోహోర్ మూవీ యే దిల్ హై ముష్కిల్.. ఈ మూవీల మధ్య పోటీ నివారించేందుకు చేసిన ప్ర‌య‌త్నాలు బెడిసి కొట్టాయి.. దీంతో కరణ్ జోహోర్ స్వ‌యంగా రంగంలోకి దిగాడ‌ట.
ఈ నేపథ్యంలో తమ పోటీ చిత్రమైన శివాయ్‌పై నెగిటివ్ ప్రచారం చేసి బురద జల్లమని కరణ్ జోహార్ పురమాయించాడు. దీంతో పాటు కరణ్ జోహార్ ''శివాయ్''సినిమాపై నెగిటివ్ ప్రచారం చేయమని బాలీవుడ్ సినీ విశ్లేషకుడు కమాల్ ఆర్ ఖాన్‌కు డబ్బులు ఇచ్చాడనే ఆడియో టేపులు బయటికివచ్చాయి. దీనిపై బహిరంగగానే తీవ్ర ఆగ్రహం వ్యక్తంచేశాడు అజయ్. ఈ నేపథ్యంలోనే కరణ్‌తో స్నేహానికి ఫుల్ స్టాప్ పెట్టేసింది కాజోల్.
