టాలీవుడ్ కింగ్ నాగార్జున జయాపజయాలతో సంబంధం లేకుండా చాలా స్పీడ్‌గా సినిమాలు చేస్తున్నాడు. ప్రస్తుతం వ‌ర్మ ద‌ర్శ‌క‌త్వంలో ఆఫీస‌ర్ అనే సినిమాలో న‌టించాడు. ఈ సినిమా ఈ నెల 25న ప్రేక్ష‌కుల ముందుకు వ‌చ్చేందుకు రెడీ అవుతోంది. అలాగే నానితో చేస్తోన్న మల్టీస్టారర్ ప్రస్తుతం షూటింగ్ దశలో ఉంది. ఈ సినిమా సార‌ధి స్టూడియ‌లో షూటింగ్ జ‌రుపుకుంటోంది.
ఇదిలాఉంటే... లేటెస్ట్ న్యూస్ ఏమిటంటే.. నాగ్ రీసెంట్‌గా ఒక డిఫెరెంట్ సినిమాలో కీలక పాత్రకు ఓకే చేశాడట. అది కూడా ఒక మలయాళ సినిమాకు అని తెలుస్తోంది. ఈ మూవీని సీనియర్ డైరక్టర్ ప్రియదర్శన్ తెర‌కెక్కించ‌నున్నారు. మలయాళ అగ్ర‌హీరో మోహన్ లాల్ న‌టించే ఈ సినిమా టైటిల్ మరాక్కర్: అరబికాడాలింటే సింహం. త్వరలోనే సినిమాను స్టార్ట్ చేయాలనీ దర్శకుడు ప్లాన్స్ వేస్తున్నాడు.
