బుల్లితెర యాంకర్ లాస్యకు నిశ్చితార్థం జరిగిన సంగతి తెలిసిందే. ఈ నిశ్చితార్థ వేడుకలో సహ యాంకర్ రవి ఏడ్చేశాడని వార్తలొచ్చాయి. లాస్యను పక్కన బెట్టి శ్రీముఖితో చెట్టాపట్టాలేసుకుని తిరిగిన రవితో బ్రేకప్ అయ్యాక లాస్య వివాహానికి గ్రీన్ సిగ్నల్ ఇచ్చిందని ఫిలిమ్ నగర్ వర్గాల్లో జోరుగా చర్చ సాగుతోంది. అయితే లాస్య-శ్రీముఖిలతో తన పేరును లింక్ చేస్తూ వస్తున్న రూమర్లపై సోషల్ మీడియాలో లైవ్ చాట్ నిర్వహించిన రవి కోపంగా సమాధానమిచ్చాడు.
ఫ్యాన్స్ వేసిన కొన్ని ప్రశ్నలకు రవి సమాధానమిస్తూ.. లాస్యను మరిచిపోయే ప్రసక్తే లేదని, ఆమె మంచి స్నేహితురాలని రవి చెప్పాడు. తనతో టచ్‌లో ఉంటున్నానని, లాస్య త్వరలోనే ‘రాజా మీరు కేక’ అనే సినిమాతో మన ముందుకు వస్తుందని, ఆ సినిమా కోసం తాను కూడా ఎంతగానో వెయిట్ చేస్తున్నట్టు చెప్పాడు.
తనకు ఆమెకు ఏదో ఉందని నెగటివ్‌గా రాస్తున్నారు. నెగటివ్ విషయాలను తాను పెద్దగా పట్టించుకోను. నెగటివ్ వార్తలను వెంట్రుకతో సమానంగా తీసిపారేస్తానని చెప్పాడు. ఇక శ్రీముఖి తనకు మంచి కొలీగ్ అని, తామంతా షోలో భాగంగానే అలా బిహేవ్ చేస్తాం తప్ప, ముద్దులు పెట్టుకోవడం, తన్నుకోవడం వంటివి కేవలం షోలో భాగంగానే చేస్తాం తప్ప, వేరే ఉద్దేశం లేదని రవి చెప్పాడు. తమ గురించి నెగటివ్‌గా రాస్తే అది ప్రమోషన్‌కు పనికొస్తుందని, టీవీల్లో కనిపించే మా గురించి ఫ్యాన్స్ మాట్లాడుకుంటారని.. అది నెగటివ్ అయినా తమకు ప్లస్సే అవుతుందని రవి అన్నాడు.
