''నేను లోకల్'' సినిమాపై క్రేజ్ అమాంతం పెరిగిపోతోంది. నాని, కీర్తి సురేష్ జంటగా నటించే ఈ సినిమాకు సంబంధించిన పాటలు సోషల్ మీడియాలో హల్ చల్ చేస్తున్నాయి. నాని హీరోగా త్రినాథరావు నక్కిన డైరక్షన్‌లో రూపుదిద్దుకున్న ఈ సినిమాలోని 'అరెరే ఎక్కడ నా ప్రాణం..' అనే పాటను సోషల్ మీడియాలో విడుదల చేశారు. మెలోడీగా సాగే ఈ పాటకు యూట్యూబ్‌లో మంచి ఆదరణ లభిస్తోంది.
కీర్తీసురేశ్‌ కథానాయికగా నటించిన ఈ చిత్రాన్ని శిరీష్‌ నిర్మించారు. దిల్‌రాజు సమర్పిస్తున్న ఈ చిత్రానికి దేవిశ్రీ ప్రసాద్‌ స్వరాలు సమకూర్చారు. నవీన్‌ చంద్ర ముఖ్య భూమిక పోషించగా, ఫిబ్రవరి 3న ప్రపంచ వ్యాప్తంగా రిలీజ్ కానున్న విషయం విదితమే.
