ఊర్వశి కుటుంబ కలహాలతోనే తాగుడుకు బానిసగా మారిందా? ఇలా చేసిందేమిటి?

ఒకప్పటి సినిమా హీరోయిన్.. ప్రస్తుతం క్యారెక్టర్ ఆర్టిస్టుగా మారిపోయిన సీనియర్ నటి ఊర్వశి.. ఈ మధ్య వార్తల్లో నిలుస్తోంది. గతంలో మీడియా ముందు తప్పతాగి నోటికొచ్చినట్లు మాట్లాడిన ఊర్వశి.. తాజాగా మరోసారి వార్తల్లో నిలిచింది. కుటుంబాల్లో ఏర్పడే తగాదాలను పరిష్కరించే టీవీ రియాల్టీ షోను నటి ఊర్వశి నిర్వహిస్తోంది. 

ఈ కార్యక్రమానికి విబేధాలతో సతమతమవుతున్న ఓ జంట హాజరైంది. వారి మధ్య గొడవలను తగ్గించాల్సింది పోయి, నోటికి వచ్చినట్టు ఊర్వశి మాట్లాడినట్టు బాధితురాలు ఫిర్యాదు చేసింది. ఇదంతా ఓ మలయాళ టెలివిజన్ షోలో జరిగింది. 

మలయాళ ఛానల్‌లో వ్యాఖ్యాతగా ఉన్న ఓ షోకు మద్యం తాగి వచ్చిన నటి ఊర్వశి చేసిన వ్యాఖ్యలతో తన భర్తతో విభేదాలు పెరిగిపోయాయి. ఇంకా తన కాపురం కూలిపోయేలా ఉందని ఆరోపించింది.

జీ తెలుగు బతుకు జట్కా బండి తరహా మలయాళ టీవీ షో ''జీవితం సాక్షి''కి హోస్ట్‌గా వ్యవహరిస్తోంది. ఈ షోలో పాల్గొన్న ఓ జంటను కలపాల్సిందిపోయి.. ఊర్వశి ఓవరాక్షన్ ద్వారా విడిపోయేలా చేసిందని హెచ్చార్సీలో ఆమెపై కేసు నమోదు కావడం వివాదానికి దారితీసింది. దీంతో ఊర్వశికి కొత్త కష్టం వచ్చిపడింది.